Brita Kongreso de Esperanto: Llandudno 2010

la kongresa libreto

2010-05-18T17:02:00.002+01:00

Oni petis min alretigi la kongresan libreton por tiuj kiuj ne povis ĉeesti.

Do jen la ligo.

post la kongreso

2010-05-18T12:05:00.002+01:00

Nu, mi sidas en trajno laŭvoje hejmen al suda Kimrio post la Brita Kongreso. Mi kredas ke mi estas la lasta LKK-ano oficiale forlasis la kongresan urbon (kvankam unu kompreneble loĝas tre apude). Baldaŭ, do, ĉi tiun blogon ne plu estos ĝisdatigita. (Tiuj kiuj ankoraŭ ŝatus sekvi miajn blogaĵojn povos tion fari per mia persona blogo ĉe http://eriketo.blogspot.com

Dum la kelkaj venontaj tagoj, tamen, mi metos kelkajn informojn ĉi tie kiuj ŝajnas al mi eble utilaj al tiuj kiuj ĉeestis la kongreson, al tiuj kiuj ŝatus estontece viziti Kimrion, kaj al tiuj kiuj ŝatus venontjare kongresi kun ni en Britio.

Mi sukcesis havi iom da tempo preni la telferon al la pinto de Granda Ormo. Vi eble povos konstati de la foto ke mi tre timis!

Dankon al kongresumantoj!

2010-05-16T19:18:00.003+01:00

Estas la 19.30a dimanĉan vesperon. La oficiala kongresa programo nun finiĝis. Restas la tuttaga ekskurso morgaŭ,sed por la momento la kongresejo estas trankvila kaj kvieta.

Dum la venontaj tagoj ni metos ĉi tie fotojn kiujn ni ĉiuj faris dum la kongresa semajnfino.

Intertempe, tamen, mi mallonge blogadas por danki al ĉiuj kiuj iel kontribuis al tre agrabla kongreso. Miaj kunlaborantoj en la Virtuala Kongresa Komitato arde laboris antaŭ kaj dum la kongresa semajnfino. Al ili multegajn dankojn. Ankaŭ mi dankas al geedzoj/gepartneroj de VKK-anoj kiuj faris grandan helpan laboron. Ili scias kiuj ili estas.

Dankon ankaŭ al prelegantoj, kursgvidantoj, librovendantoj, EAB-komitatanoj, fotofarantoj, portantoj de skatoloj, ktp, ktp, ktp....

Kongreso estas nenio sen kongresumantoj. Al vi kiuj ĉeestis kaj partoprenis, ni esperas ke vi ĝuis/ankoraŭ ĝuas la kongreson kaj forportos bonajn memorojn pri la kongreso, pri la kongresa urbo Llandudno kaj pri Kimrio (ĉar la suno eĉ brilis ĉi tie super ni!)

Al ne ĉeestantaj geamikoj tutmonde kiuj sendis bondezirojn al ni - ankaŭ ni reciproke salutas vin.

Hodiaŭ ni kongresos!

2010-05-14T09:50:00.003+01:00

Esperanto-parolantoj el la tuta Brito kaj aliaj landoj estas vojaĝante al Llandudno en Norda Kimrio por la Brita Kongreso kiu komeciĝas hodiaŭ.

Jen Llandudno ĉi-matene:
La akceptejo malfermiĝas je la 3-a horo ptm.

Ĝis tre baldaŭ!

Cynhadledd Esperanto yn Llandudno

2010-05-10T11:13:00.002+01:00

Bydd siaradwyr Esperanto, yr Iaith Ryngwladol, yn cael clywed am y diddordeb cynyddol yn yr iaith wrth iddynt gwrdd yn Llandudno dros y Sul.

Bydd Llandudno yn cynnal y Gynhadledd Esperanto genedlaethol eleni yng ngwesty mawreddog yr Imperial ar lan y môr. Bydd siaradwyr Esperanto so Brydain yn ei mynychu, ayn ogystal â chynadleddwyr o ddeg o wledydd eraill.

Mae'r siardwyr gwadd yn cynnwys yr awdures Esperanto Anna Loewenstein o'r Eidal,a'r geiriadrwr yr Athro John Wells o Goleg y Brifysgol, Llundain. Bydd Anna'n sôn am ysgrifennu ffuglen ar gyer cynulleidfa ryngwladol , a bydd yr Athro Wells yn lansio'i eiriadur Esperanto-Saesneg newydd.

Bydd Côr meibion Maelgwn yn canu nos Wener a bydd gwasanaeth yn Eglwys Sant Ioan fore Sul . Mae Ei Mawrhydi, y Frenhines, eisoes wedi ysgrifennu yn Gymraeg, i ddymuno'n dda i'r Gynhadledd. Bydd Maer Llandudno'n mynychu hefyd.

Esperanto yw'r 22ain yn y rhestr o ieithoedd a ddefnyddir yn ôl Wikipedia, o flaen Daneg ac Arabeg. Mae'n ddewis iaith gan Google, Skype, Firefox a Facebook. Iaith lafar a llenyddol yw Esperanto sy'n perthyn i bawb ac i neb yn yr un modd, a ddefnyddir ganb bobl sy'n siarad dwy neu ragor o ieithoedd ledled y byd ac sydd o blaid amrywiaeth ieithoedd.

Kongresa Diservo

2010-05-06T14:34:00.004+01:00

Kiel kutime, okazos ekumena Diservo en la kadro de la Brita Kongreso. Ĉi-jare la kongresa Diservo okazos je 09.15 dimanĉon ĉe la Metodista Preĝejo St John's (Sankta Johano) kiu troviĝas ne longa distanco for de la kongresejo en Mostyn Street.

La Federacio de Britaj Kristanaj Esperantistoj aranĝos la Diservon, kun gast-parolanto, Pastro Rikardo Hall, kiu parolos pri la temo 'Eterna Komencado en la vivo'.

Dum la Diservo estos monkolekto por bonfara asocio. Ni ankaŭ kantos kelkajn himnojn laŭ konataj kimraj melodioj.

Ni bonvenigas ĉiujn, el ĉiuj kredoj kaj el neniu kredo. Se vi ŝatus pasigi kelkajn momentojn kviete en kontemplado je la komenco de la tago, venu.

Kunportu brokantajn librojn al la kongreso!

2010-05-05T09:31:00.003+01:00

Ordigu vian hejmon kaj kunportu brokantajn librojn!

Kiam vi pretigos vian valizon, bonvolu konsideri enmeti Esperanto-libron kiun vi ne plu bezonas.

La Loka Kongresa Komitato, baldaǔ ne plu virtuala, deziras vendi brokantajn librojn profite al la kongresa kaso.

Tiu malnova vortaro “Teach Yourself” aŭ poemaro kiun vi ne plu legas kun plezuro povus esti precize tio kion iu aliakongresano serĉas. Do bonvolu serĉi jam nun!

Kaj ne forgesu pri malnovaj revuoj! Forigante el via loĝejo malnovajn revuojn, vi povos kunporti trezorojn por la novaj gesamideanoj.

Fine, rigardu ĉe eBay por vidi ke eĉ malnovaj Jarlibroj kaj kongreslibroj povas havi aĉetontojn. Dankon anticipe!

Ĉu plaĉas al vi glaciaĵo?

2010-05-04T14:06:00.003+01:00

Ĉu plaĉas al vi glaciaĵo? Nepre trovu la tempon inter kongresaj programeroj viziti la glaciaĵejo Cadwaladers kiu troviĝas en Mostyn Street.

Cadwaladers ekzistas en Kimrio ekde la jaro 1927 kiam ilia unua butiko fondiĝis en la urbo Criccieth. (Tiuj kongresanoj kiuj partoprenos la tagekskurson je lundo la 17a havos la oportunon viziti la originalan vendejon).

Glaciaĵoj diversgustaj, kremo, ĉokolado, fruktoj, kukoj, kafoj, pasteĉoj estas nur kelkaj el la specialaĵoj kiuj atendas vin.

Se ne forgesu reveni al la kongreso poste!

spektu filmeton

2010-04-27T16:22:00.003+01:00

Nur iom pli ol 2 semajnoj ĝis la komenco de la Brita Kongreso. Do, se vi ŝatus veni kaj ankoraŭ ne aliĝis - rapidu!

Hodiaŭ mi trovis interesan filmeton pri la tramjovo ĉe Llandudno (pri kiu mi antaŭe blogis). La filmeto estas en la angla lingvo, sed por tiuj kiuj ne parolas la anglan, estas interesaj panoramoj pri Llandudno. Spektu la filmeton ĉi tie.

Eight C holic: Writing Assignment#comment-form

2010-04-20T13:15:00.000+01:00

Eight C holic: Writing Assignment#comment-form

Sendu bondezirojn al la Brita Kongreso!

2010-04-14T15:40:00.001+01:00

La kongreso okazos post nur 4 semajnoj. Abundas la aranĝendaĵoj!

Se vi ŝatus partopreni la kongreson, ĉiuj detaloj haveblas ĉi tie.

Se ne eblos partopreni, vi tamen povos sendi bondezirojn al la kongresumantoj pere de nia reta gastlibro.

Antaŭmendu la bankedon kaj ekskurson

2010-04-09T11:06:00.005+01:00

Nun eblas antaŭmendi la kongresajn bankedon kaj ekskurson perrete.

La kongresa bankedo (detaloj ĉi tie) kostos po £23 persone.

La lunda ekskurso (detaloj ĉi tie) kostos po £11 persone.

Antaŭmendu ĉi tie.

Pli pri la ekskurso

2010-04-05T15:14:00.003+01:00

Lundon de la kongresa semajnfino estos ekskurso por tiuj kiuj volos/povos partopreni. Mi ĵus ricevis la jenajn informojn pri tio:

"Unue ni vizitos la urbon Caernarfon kie ni restos unu horon. Tie oni povos aŭ viziti la kastelon aŭ la kajon de kie oni bone vidas la insulon Anglesey/Môn.

De tie ni pluveturos al Criccieth por lunĉo kaj eventuale vizito al plua kastelo de Reĝo Edvardo. Oni restos tie horon kaj duono. Poste ni traveturos la belajn valojn Aberglaslyn kaj Nant Gwynant.
Ni poste pluveturos al Betws y Coed kie ni pasigos unu horon antaŭ ol sekvi la valon Conwy ĝis Llandudno.Ni revenhoro estos 17h30. Kosto: £11 Lokoj estas limigitaj, do, anoncu vin frue."

Ekskursontoj povas antaŭmendi pere de Esperanto-Asocio de Britio.

Ĉu vi pepas?

2010-03-26T13:20:00.001Z

La kongresejo por BK2010 havas rapidan, sendratan retkonekton en preskaŭ ĉiuj ĉambroj. Do, se vi estas pepanto, bloganto, retumanto, kunportu vian porteblan komputilon/iPod-Tuŝon/notblokan komputilon ktp!

Se vi ne komprenas la antaŭan frazon, ne maltrankviliĝu! Ni ankaŭ multe kunbabilados neelektronike laŭ tradicia metodo :)

Distra Vespero

2010-03-21T18:01:00.004Z

La sabaton vesperon de la kongresa semajnfino okazos Distra Vespero kaj, kiel kutime, ni serĉas kontribuontojn.

Eventualaj kontribuontoj sin proponu al Hilary Chapman kun detaloj pri via varietaĵo!

kongresa bankedo

2010-03-15T11:26:00.006Z

Venis al mi diversaj demandoj pri la kongresa bankedo. Jen, do, kion mi scias ĝis nun:

La kongresa bankedo okazos je la 20a horo vendredon la 14an de majo en la Imperia Hotelo (la kongresejo).

Kiam vi aliĝos al la kongreso, vi ricevos detalojn pri antaŭmendo de la bankedo. (Se vi jam aliĝis, vi baldaŭ ricevos tiujn detalojn). Ankaŭ eblos aĉeti biletojn por la bankedo ĉe la kongresa akceptejo.

La kosto de la bankedo estas po £23 persone. Verŝajna menuo estos:

Pasteĉo de miksitaj kimraj fromaĝoj, poreoj kun mustardo Llanrwst, kompoto el pomoj kaj vinberoj, rostitaj pantranĉeroj

* * * * *

Rostita rosmarenkuirita ŝafidaĵo kun porea terpomkaĉo, karotoj kuiritaj kun citrono, verdaj fazeoloj kaj menta saŭco

Aŭ

Pastaĵo de legomoj kaj miksitaj legumoj, buterkuirita spinaco,
saŭco el tomatoj

* * * * *

Torto de freŝaj fragoj kun glaciaĵo de viskio Penderyn

* * * * *

freŝe muelita kafo kun ĉokoladoj

Post la bankedo, distros nin Côr Meibion Maelgwn.

St David's Day launch for new Esperanto text book/Y gwerslyfr Esperanto cyntaf erioed yn Gymraeg

2010-03-01T10:06:00.006Z

Y gwerslyfr Esperanto cyntaf erioed yn Gymraeg

Mae'r gwerslyfr cyntaf yn Gymraeg i ddysgu'r iaith ryngwladol Esperanto newydd ymddangos. Arweinlyfr 36 o dudalennau i Esperatno yw'r Mini-Cwrs, yn cynnwys deg o wersi, ymarferion darllen a geirfa. Y gŵr sy'n gyfrifol am y fenter yw Harry Barron o Fachynlleth.

Iaith yw Esperanto a gyflwywyd yn 1887 gan Dr. L.L. Zamenhof yn sgil blynyddoedd o waith. Cynigiodd ef Esperanto fel ail iaith a fyddai'n caniatáu i bobl sydd â gwahanol ieithoedd brodorol gyfathrebu, gan gadw eu hieithoedd a'u diwylliannau eu hunain yr un pryd. Nid yw Esperanto'n ceisio disodli'r un iaith arall; gweithreda fel iaith gyffredin. Cyhoeddwyd yr arweinlyfr bychan cyntaf i'r iaith yn 1910, a chyhoeddwyd geiriadur Cymraeg-Esperanto, Esperanto-Cymraeg yn 1985.

Mae'r Mini-Cwrs Esperanto ar gael am £1.50 a £0.50 cludiant gan Ffederasiwn Esperanto Cymru, 8 Vardre View, Deganwy, CONWY, LL31 9TE.

The first ever Esperanto text book appears in Welsh

The first ever text book in Welsh designed to teach the international language Esperanto has just been published. The Mini-Cwrs is a 36 page guide to Esperanto, consisting of ten lessons, some reading exercises and a vocabulary.

The man behind the new booklet is Harry Barron of Machynlleth.

Esperanto is a language introduced in 1887 by Dr. L.L. Zamenhof after years of development. He proposed Esperanto as a second language that would allow people who speak different native languages to communicate, yet at the same time retain their own languages and cultural identities. Esperanto doesn't replace anyone's language but simply serves as a common language. The first tiny guide to the language was published in 1910, and a two-way dictionary in Esperanto and Welsh was published in 1985.

Mini-Cwrs Esperanto is available for £1.50 plus £0.50 postage from Esperanto Federation of Wales, 8 Vardre View, Deganwy, CONWY, LL31 9TE.

Distros nin Côr Meibion Maelgwn

2010-02-19T14:35:00.004Z

Tuj post la bankedo je vendredo vespere de la Brita Kongreso, inter 21.00 kaj 21.30, distros nin Côr Meibion Maelgwn, virvoĉa ĥoro, kiu gajnis la unuan premion en la pasinta Nacia Ejstedvodo (Kulturfesto). Ni ne deziras ke la 60 ĥoranoj estu pli multnombraj ol la kongresanoj, do aliĝu amase al la Kongreso!

Minikurso kimra/esperanta

2010-02-15T11:54:00.005Z

Parolantoj de la kimra lingvo povas nun lerni Esperanton per tiu lingvo. La nova Mini-Cwrs (minikurso) nun haveblas. La kosto estas po £2.00 (inkluzive de sendokostoj ene de Britio). Por pli da informoj kaj por aĉeti, retmesaĝu.

Welsh speakers can now learn Esperanto via the new Mini-Cwrs in that language. The book costs £2.00 (including P&P in the UK). For more information and to buy, ebost

Mae siaradwyr y Gymraeg yn gallu dysgu'r iaith Esperanto trwy'r mini-cwrs newydd. Mwy o wybodaeth gan ebost.

Butikumado

2010-02-12T14:05:00.002Z

Ĉu vi estas butikumema? Diversaj ĉarmaj butikoj atendas vin en Llandudno. Estas amaso da interesegaj sendependaj butikoj en la urbo kaj la butikumejo Victoria enhavas 40 el la plej konataj vendejoj en Britio.

Ne maltrafu la okazon iom butikumadi en via libertempo inter programeroj. Vi povos gustumi kaj aĉeti kimrajn specialaĵojn kiel kukojn, fromaĝon, kolbasojn, vinon kaj bieron. Por donacoj kaj memoraĵoj, la butikoj atendas vin!

Llandudno en vintro

2010-01-05T09:36:00.001Z

Adiaŭ, Teach Yourself! Saluton, Mondial!

2010-01-04T13:53:00.004Z

Ĉiam avide atenditaj ĉe Britaj Kongresoj estas la prelegoj de John Wells. John kutime prelegas tre interese pri diversaj lingvistikaj temoj.

Ĉi-jare ni bonŝancos ke eldoniĝos (espereble dum marto) lia nova esperanta-angla-esperanta vortaro.

Pasis pli ol kvardek jaroj post la apero de esperanta-angla-esperanta vortaro en la serio Teach Yourself. La nova eldono de la vortaro, estas plene reviziita kaj reverkita, kun multaj aldonoj, ŝanĝoj kaj plibonigoj. La nova eldonisto estas Mondial, Nov-Jorko.

En sia kongresa prelego la aŭtoro montros kiel evoluis intertempe la du lingvoj kaj diskutos diversajn problemojn, kiuj leviĝis dum la reverkado de la vortaro. Nun fine vi povas esperantigi /meerkat, biodegradable, t'ai chi, kumquat, motherboard, laptop/ kaj /spreadsheet.

Pli da detaloj pri la kongresa programo haveblas ĉe: http://www.esperantollandudno2010.org.uk/programo.html

Interesitoj pri la nova vortaro vidu: http://www.librejo.com/wells-vortaro/index.html

Eblas antaŭmendi ĉe:
https://mondialbooks.sslpowered.com/bookstore/nfoscomm/catalog/kreditkarto/orders-wells.html

Kongresaj programeroj...

2009-12-04T11:43:00.002Z

Kunordigado de la programo por la Brita Kongreso bone progresas: La konata esperantistino Anna Löwenstein prelegos dufoje. Ŝi parolos pri la fono de ŝia verko La Ŝtona Urbo (t.e. pri la kelta vivo en Suda Anglio) kun la titolo 'Rekreo de la kelta vivo'. Ŝi ankaŭ parolos rilate ŝian novan libron Morto de artisto.
Hugh Reid (konata en Esperantio kiel Hju Rid) prelegos pri 'Strategio de l'instinktoj.
John Wells (kiu cetere estas unu el malmultaj angloj kiuj parolas la kimran) prelegos pri lingvistika temo.

Krom nia tutaga ekskurso je la kongresa lundo, ni esperas ankaŭ havi la oportunon ekskursi boate sabaton vesperon lau la rivero Conwy [konui].

La marponto ĉe Llandudno

2009-11-03T16:07:00.003Z

Marpontoj (ankaŭ foje nomitaj 'pieroj') estas oftaj vidindaĵoj ĉe britaj marbordaj urboj. Ĉe Llandudno la marponto estas interesa kaj renoma. La originala marponto estis konstruita en 1858, sed estis tute detruita en oktobro 1859 dum terura ŝtormo.

Rekonstruita en 1877, la nuna marponto mezuras 2295 futojn (aŭ 699 metrojn) kaj estas la plej longa marponto en Kimrio.

Pli pri la kongresa programo

2009-10-01T16:07:00.003+01:00

Daŭre progresas planado de la kongresa programo. Ni avide antaŭatendas paroladojn de Anna Löwenstein, Hju Rid kaj John Wells inter aliaj.

Ekskursoj laŭ la Rivero Conwy [konŭi] kaj al la montaro Snowdonia estas planitaj.

Pli da detaloj ĉe la kongresa retejo.

Ekskursos ni!

2009-09-25T15:13:00.007+01:00

Post la semajnfinaj tagoj de Brita Kongreso estas nia kutimo ekskursi la lundon al iu loko en la ĉirkaŭaĵo de la kongresa urbo. Ĉe Llandudno 2010 ni esperas aranĝi ekskurson al la bela montara regiono Eryri/Snowdonia.

Eryri [proks. pr. ereri] estas la kimra nomo por la regiono, kiu enhavas la plej altan monton en kimrio Yr Wyddfa. En la angla la regiono nomiĝas Snowdonia kaj la monto nomiĝas Snowdon.

Nepre planu ekskursi kun ni la kongresan lundon - rizervu ekde nun via libertempo de la laboro, lernejo, kolegio kaj ĉiutaga vivo! Jen kelkaj fotoj por konvinki vin...

PS: Kvankam ni forte esperas ke bele brilos la suno kiel en ĉi tiuj fotoj, la LKK neniel respondecos pri la vetero!

muziko

2009-09-01T10:36:00.002+01:00

Muziko ĉiam estis kaj ankoraŭ estas grava en la kultura vivo de Kimrio. Ofte ludata muzikinstrumento estas la harpo.

Ekzistas tre konataj modernaj rokgrupoj en Kimrio (Manic Street Preachers, Super Furry Animals, The Automatic)

Tradiciaj ĥoroj ankaŭ abundas. Eble vi jam havis la oportunon aŭskulti kimran virvoĉan ĥoron? Se ne, ne malesperu! Ni esperas provizi al vi tiun oportunon dum la kongresa semajnfino.

Skulptaĵoj el sablo ĉe Llandudno

2009-08-19T10:18:00.002+01:00

Hieraŭ mi rimarkis ke la retejo de la BBC (Brita Dissenda Korporacio) aperigis filmeton kiu montris la plaĝon ĉe Llandudno.

Al la feriantoj ĉe la marborda urbo oni donis la taskon fari skulptaĵon el sablo. Estas tradicie fari kastelojn el sablo, sed ĉi-foje oni petis diversajn skulptaĵon.

Jen la filmeto.

Kaj se vi emas ankaŭ provi viajn skulptajn spertojn, venu al la BK venontjare!

Tramvojo

2009-08-17T11:34:00.003+01:00

En pasinta blogaĵo pri la monteto Great Orme, mi menciis ke eblas supreniri per tramvojo. La tramvojo Great Orme funkcias ekde 1902 kaj estas la sola tramvojo funkciante per kablositemo laŭ publikaj vojoj en Britio.

La tramoj veturas ĉiujn 20 minutojn por 1-mejla vojaĝo al la pinto de Great Orme. Eblas ankaŭ viziti Halfway Station [duonvoja stacidomo] por vidi ekspozicion pri la historio de la tramvojo.

La kosto por iri kaj reveni estas po £5.30 por plenkreskuloj kaj po £3.70 por infanoj.

Se vi scipovas la anglan aŭ la kimran, vi povos legi pli da detaloj ĉe la retejo de la tramvojo.

Venu el la tuta mondo!

2009-08-10T09:45:00.004+01:00

En komento pri nia lasta blogaĵo (Great Orme - La Granda 'Ormo'), samideanino Elinjo demandis ĉu ni ankaŭ bonvenigos eksterlandanojn al la 91-a Brita Kongreso de Esperanto en 2010.

Kompreneble, la respondo estas 'Jes! Kun granda ĝojo'.

Jam planas alveni kelkaj geesperantistoj el diversaj landoj. Fakte, pro la relativa malforteco de la Brita mono, la pundo, estas ja bona oportuno malplikoste viziti Brition.

Do ne hezitu! Aliĝu hodiaŭ kaj ni antaŭĝojas renkonti vin ĉe Llandudno.

Great Orme - la Granda 'Ormo'

2009-08-06T13:48:00.004+01:00

Great Orme [grejt om] estas kabo el kalkoŝtono. En la kimra lingvo ĝi nomiĝas Y Gogarth [gogarth].

Oni kredas ke la vorto orme venas de norena vorto kiu signifis marserpento. Tio eble indikas ke vikingoj nomis la lokon. Great Orme altas je 207 metro.

De la pinto oni povas vidi la montaron Snowdonia [snoŭdonia] kaj eĉ la Manksinsulon kaj la Lagan Distrikton de Anglio. La naturo ĉe Orme belegas kaj oni povas tie vidi maloftajn papiliojn kaj florojn. Ankaŭ estas tie sovaĝaj kasmiraj kaproj.

Kongresanoj ĉe la Brita Kongreso de Esperanto (14-17 majo 2010) sendube ŝatos viziti Great Orme. La bona novaĵo estas ke ne necesas piede grimpi al la pinto. Estas tramvojo kaj telfero por vojaĝi tien! Pli pri tio en venonta blogaĵo...

Turisma Folio pri Llandudno

2009-08-05T16:14:00.003+01:00

Nun haveblas Turisma Folio pri la urbo Llandudno. Se vi intencas ĉeesti la Britan Kongreson en 2010 aŭ se vi planas apartan viziton, nepre legu ĝin!

Subtenantoj de Esperanto-Asocio de Britio kiuj ricevas la Britan Esperantiston kaj Esperanto Update ankaŭ ricevos firmaĵo de la folio baldaŭ.

marbordo

2009-07-24T12:22:00.003+01:00

La Norda Marbordo de Llandudno, kun glaciaĵo-vendejoj, longa promenejo kaj la konata marponto, estas la plej populara plaĝo en la ĉirkaŭaĵo.

La Okcidenta Marbordo, kun sabla strando, havas belan pejzaĝon trans la maron al la montoj de Snowdonia/Eryri kaj la insulo Anglesey/Ynys Môn. Ambaŭ plaĝoj gajnis eŭropajn bluajn flagojn (kiuj garantias la purecon de la strando). Se vi venos al la kongreso kun geinfanoj, plaĉos al ili konstrui sablo-kastelojn kaj naĝeti en la maro. (Eble ankaŭ tio plaĉos al plenkreskuloj...!) Alternative, vi povos trankvile promenadi laŭlonge de la strando aŭ simple sidi sur benko kaj manĝi glaciaĵon.

Malpli ol 10 monatoj!

2009-07-24T12:17:00.003+01:00

Restas nun malpli ol 10 monatoj ĝis la 91-a Brita Kongreso de Esperanto ĉe Llandudno en Norda Kimrio.

Dum la venontaj semajnoj, mi blogos ĉi tie pri diversaj vidindaĵoj kiuj atendos vin en la urbo. Ankaŭ, kompreneble, mi donos detalojn pri la kongresa programo...

Se vi jam ne aliĝis, nepre tuj vizitu nian kongresan retejon!

civitasster: New edition of UNESCO’s Atlas of the World's Languages in Danger

2009-07-17T16:33:00.000+01:00

civitasster: New edition of UNESCO’s Atlas of the World's Languages in Danger

lernu kimrajn vortojn!

2009-05-22T14:19:00.002+01:00

Se vi venos al la brita kongreso ĉe Llandudno en 2010, vi certe vidos kaj aŭdos iom pri la kimra lingvo kaj eble plaĉus al vi lerni kelkajn vortojn...

La bona novaĵo estas ke ankoraŭ haveblas ekzemplerojn de la Esperanto-Kimra vortaro. Mendu ĉe la libroservo de Esperanto-Asocio de Britio kontraŭ nur 2.50 britaj pundoj.

2009-03-23T12:24:00.005Z

11km sude de Llandudno, kie okazos la Brita Kongreso de Esperanto en 2010, troviĝas la ĝardenoj Bodnant. Bodnant estas unu el la plej belaj ĝardenoj en Britio kaj etendiĝas trans 80 akroj. La ĝardeno konsistas el 'supra' ĝardeno, kie troviĝas terasitaj ĝardenoj kaj belaj neformalaj gazonoj, kaj 'malsupra' ĝardeno apud la Rivero Hiraethlyn [pr. prks. hirajtlin]. Ĉe Bodnant oni klopodas kreskigi interesajn kaj belajn plantojn el la tuta mondo, precipe el Ĉinio, Norda Ameriko, Eŭropo kaj Japanio.En majo (kiam okazos la Kongreso) kutime videblas amaso da rodedendroj kaj ankaŭ japanaj azaleoj. Kial ne planu viziton al la kongreso kaj restu kelkajn tagojn viziti la belajn ĉirkaŭajn vidindaĵojn?

Kongresa retejo
Retejo pri Bodnant (en la angla)
(Fotoj per la afabla permeso de Noel Walley)

EU Referendum: What fun

2009-02-22T17:33:00.000Z

Surely the long-term solution of the language problem, in the European Parliament, must be a non-national language!

This is why I would plea for the Esperanto solution.

If you have time please check the global language, Esperanto website on http://www.lernu.net

La Kongresa Urbo (LLandudno 2010)

2009-01-20T14:10:00.001Z

Apud la marbordo en norda Kimrio troviĝas la kongresa urbo Llandudno. Tie, inter 14-17 majo 2010, kunvenos geesperantistoj el Britio kaj, espereble, el la tuta mondo.

Kia, do, estas nia kongresurbo?

Kun enloĝantaro de ĉirkaŭ 20,000 homoj, Llandudno estas ofte nomita 'Reĝino de la Kimraj Ferilokoj'.

La strando (kie la plaĝo estas de sablo kaj ŝtonetoj) estas ĉirkaŭ 3km longa. - la plaĝo estas sablo kaj ŝtonetoj. Ĝi etendiĝas inter du montetoj 'Great Orme' [granda ormo] kaj 'Little Orme' [malgranda ormo].

Tie troviĝas ankaŭ marponto, konstruita en la jaro 1878. Oni foje esprimas la opinion ke estas la plej bela marponto kiu ankoraŭ staras en Britio el la Viktoriana epoko (de la Reĝino Viktoria, t.e. inter 1837 kaj 1901). Se oni staras ĉe la ekstremaĵo de la marponto (kaj se estas bela tago) oni povas vidi la montojn de Snowdonia [pr. snoŭdonia].

Pli da detaloj pri la kongreso troviĝas ĉi tie.

la LKK kunsidis!

2008-10-09T10:56:00.002+01:00

Pasintan sabaton, kelkaj membroj de la LKK havis la oportunon kunveni en la urbo Chester, okaze de la kutima kunveno de la Nord-Okcidenta Anglia Esperanto-Federacio.

La foto montras (maldekstre-dekstren) Harry, Heather kaj Hilary.

Kvankam ni regule kontaktas unu la alian per retmesaĝoj, retejo, ktp, estis bone havi la eblecon kunsidi 'ĉirkaŭ la saman tablon' por iom diskuti la organizadon de la Brita Kongreso 2010 ĉe Llandudno.

Nu, vi ĝojos legi ke la administrado progresas glate. Diversajn interesajn ideojn ni diskutis.

Ni esperas ke ĉe Llandudno 2010 estos interesaj programeroj por komencantoj paralele al la 'normala' programo (ekz. 'promenadoj por komencantoj' tra la urbo, k.s.) Do, kial ne konvinki komencantojn ĉeesti kun vi?

Kompreneble, estos ankaŭ multaj interesaĵoj por progresantaj kaj fluaj parolantoj kaj ekskursoj ĉirkaŭ la regiono.

Eble vi ne povas atendi ĝis 2010 por tiom da esperantumado? Jen bona novaĵo - intertempe okazos la 90-a Brita Kongreso de Esperanto 2009 ĉe Salisbury [solzbri] de la 17a ĝis la 20-a de aprilo. Tie ni festos la 150an naskiĝdatrevenon de Zamenhof kaj ekskursos al apudaj lokoj kiel Avebury [evberi] (ligo en la angla, sed enhavas belajn fotojn). Aliĝilo haveblas ĉi tie.

Do, ĝis Salisbury 2009 kaj Llandudno 2010!

La LKK kunsidos

2008-09-29T16:04:00.003+01:00

Venontan sabaton kunvenos la LKK (Loka Kongresa Komitato) por la unua fojo. Ni ĉiuj loĝas je sufiĉe longa distanco for unu de la alia, do estos la unua oportuno efektive kunsidi ĉirkaŭ la sama tablo! Kutime ni komunikas per retmesaĝoj, per-reta forumo kaj telefono laŭ necese. Tio tre bone efikas. Estas multe pli facile fari aranĝojn de longa distanco for en la nuna epoko kun retaj eblecoj ktp.

Tamen, ja estos plezuro vere kunveni por diskuti kongresaĵojn ktp. Ni renkontiĝos en la urbo Chester [pr. ĉeste]. Estas alia bela urbo - en Anglio, sed tre apude al la limo kun Kimrio - kiun vi eble ŝatos viziti se vi ĉeestos la kongreson Llandudno 2010.

Kiel prononci la urbo-nomon Llandudno?

2008-09-15T10:40:00.003+01:00

Eble vi jam legis niajn antaŭ-anoncojn pri Llandudno 2010 (la Brita Kongreso de Esperanto) kaj pripensas ĉeeston. Jen, do, kelkaj bazaj klarigoj pri la kongresa loko:

Llandudno estas urbo ĉe la marbordo de norda Kimrio. Kimrio estas unu el la kvar landoj kiuj fariĝas la Unuiĝinta Reĝlando de Britio kaj Nord-Irlando (la kvar landoj estas Anglio, Kimrio, Nord-Irlando kaj Skotlando). Kimrio enhavas proksimume 3,000,000 enloĝantojn.

En Kimrio oni ofte aŭdas du lingvojn - la anglan kaj la kimran. Multaj nomoj de urboj kaj vilaĝoj venas de la Kimra lingvo. Llandudno estas kimra nomo.

Unue, do, ni lernu kiel prononci la nomon. Se vi iom scias de la angla lingvo, vi tuj rimarkos ke la duobla 'L' ne okazas ĉe la komenco de anglaj vortoj. Duobla L, kiu laŭ la fonetika alfabeto estas skribite ɬ, okazas ofte en la kimra. Ekzistas diversaj metodoj lerni prononci tiun 'll'. Eble plej simple estas ke vi metu vian langon malantaŭ la supraj dentoj kaj siblu el la anguloj de la buŝo. (Jes, vere!)

Necesas ankaŭ scii ke la vokalo 'u' en la kimra estas prononcita proksimume kiel mallonga 'i'. La urbo Llandudno, do, estas proksimume 'llandidno' aŭ, per la internacia fonetika alphabeto, ɬan.'dɪd.nɔ.

Kion ĝi, do signifas? Nu, 'llan' [ɬɑn] originale signifis "ĉirkaŭfermita landpeco". Pli poste ĝi evoluis signifi paroĥo de preĝejo. Pli ol 630 loko-nomoj en Kimrio komenciĝas per tiu 'llan'. La dua parto de la urbonomo, 'dudno' venas de 'Tudno' la nomo de kimra sanktulo. Proksimume, do, Llandudno estas la tereno ĉirkaŭ la preĝejo dediĉita al Sankta Tudno.

Kongresos ni

2008-08-22T13:54:00.002+01:00

Jes, de la 14-a ĝis la 16a de majo 2010 ni esperas ke la Brita Kongreso de Esperanto okazos ĉe la marborda urbo Llandudno!

Do, enskribu la datojn en vian taglibron kaj nepre ne maltrafu la okazon veni kongresi kun ni. Ni antaŭatendas bonvenigi vin ĉiujn: gelernantojn, regulajn kongresumantojn, eksterlandajn Esperanto-parolantojn... (Vi loĝas longa distanco for de Britio? Nu, vi havas pli ol jaron ŝpari vian poŝmonon :-) )

La kongresa retejo troviĝas ĉe www.esperantollandudno2010.org.uk kie vi baldaŭ trovos ĉiujn detalojn kiujn vi bezonos.

Per ĉi tiu blogo, ni esperas malpli formale ĝisdatigi vin pri la kongresaj planoj kaj iom priskribi la belan kongresan urbon kaj ĉirkaŭaĵon.

Do, revenu ofte! Ankaŭ eblas ricevi la blogon per 'RSS'-legiloj.

Nu, ĝis baldaŭ...