3 Nov 2009

La marponto ĉe Llandudno

Marpontoj (ankaŭ foje nomitaj 'pieroj') estas oftaj vidindaĵoj ĉe britaj marbordaj urboj. Ĉe Llandudno la marponto estas interesa kaj renoma. La originala marponto estis konstruita en 1858, sed estis tute detruita en oktobro 1859 dum terura ŝtormo.

Rekonstruita en 1877, la nuna marponto mezuras 2295 futojn (aŭ 699 metrojn) kaj estas la plej longa marponto en Kimrio.